دوو فیرقەی دیکەی سەر بە وەزارەتی پێشمەرگە دەستبەکار دەبن

ئاڤا نیوز

وەزارەتی پێشمەرگە لە چوارچێوەی یەکخستنی هێزەکانی پێشمەرگە لە ژێر سێبەری خۆی، فیرقەی سێ و چواری پیادە دەستبەکار دەبن، ئەمەش لە چوارچێوەی 11 فرقەی سەربازی کە هەموویان بەسەر دوو ناوچەی سەرکرایەتیی دابەش دەکرێن.

 

وێنە گەورەکە: بە سەرپەرشتیی تیمی ڕاوێژكارانی هێزەكانی هاوپەیمانان، وەزارەتی پێشمەرگە لە سەرەتای ئەمساڵەوە سەرجەم هێزەكانی سەر بە یەكەی 70 و 80  دەکاتە 11 فرقەی سەربازی، ئامانجەکە ئەوە تاوەکو سەرەتای ساڵی 2026 سەرجەم هێزەکان یەکبخرێن.

 

زانیاریی زیاتر: ڕۆژى يه‌كشه‌ممه‌ 2ی شوباتی 2025، لە بارەگه‌ی فیرقەی سێی پیادە، کۆتایی بە خولێکی پێگەیاندنی 10 ڕۆژەی ئەفسەران هات، کە بۆ ژمارەیەک ئەفسەری فیرقەكه‌ ڕێکخرابوو.

 

خاڵە ئەرێنییەکان: ئێستا مووچەی فەرماندەییەكانی یەكەی 70 و 80 جیاوازە لەگەڵ هێزەكانی سەر بە وەزارەتی پێشمەرگە، بە كۆكردنەوەیان لەنێو چوارچێوەی ناوچەی سەركردایەتیی كە ڕاستەوخۆ سەر بە وەزارەتی پێشمەرگە دەبن.