سەرۆکوەزیران بارزانی: هیوادارم دەنگدان لەسەر هەمواری یاسای بودجە ببێتە هۆی چارەسەرکردنی کێشەکان

ئاڤا نیوز

دوای گەڕانەوەیان لە بەغدا، ئەمڕۆ سەرۆکوەزیران مەسرور بارزانی پێشوازی لە شاندی دانوستاندکاری هەرێمی کوردستان کرد و هیواشی خواست دەنگدان لەسەر هەمواری یاسای بودجە ببێتە هۆی چارەسەرکردنی کێشەکانی نێوان هەولێر و بەغدا.

وێنە گەورەکە: دوای چەندین کۆبوونەوەی چڕ و پڕ لەگەڵ سەرۆکوەزیرانی عێراق و شاندی دانوستاندکاری عێراق لەبارەی چارەسەرکردنی پرسی مووچە و شایستە داراییەکەکانی هەرێمی کوردستان، ڕۆژی دووشەممە 3-2-2025، شاندی دانوستاندکاری حکومەتی هەرێمی کوردستان گەڕایەوە هەولێر و ئەمڕۆ سێشەممە سەرۆکوەزیران مەسرور بارزانی پێشوازی لە شاندەکە کرد و لەگەڵیان کۆبووەوە.

ڕاگەیێنراوی فەرمی: نووسینگەی سەرۆکوەزیران مەسرور بارزانی ڕایگەیاند:

- لە کۆبوونەوەکەدا، شاندەکە کورتەیەکیان دەربارەی ئەنجامی گفتوگۆ و دیدارەکانیان لە بەغدا تایبەت بە هەموارکردنی یاسای بودجەی گشتیی فیدراڵ و دابینکردنی مووچە و شایستە داراییەکانی هەرێمی کوردستان خستەڕوو.

- سەرۆکی حکومەت سوپاسی ئەندامانی شاندەکە و هەموو تیمە تەکنیکییەکانی حکومەتی هەرێمی کوردستانی کرد کە زۆر پیشەییانە و دڵسۆزانە ئەرکەکانیان جێبەجێ کردووە، هیواشى خواست دەنگدان لەسەر هەموارکردنی یاسای بودجەی فیدراڵ ببێتە هۆی چارەسەرکردنی کێشە هەڵواسراوەکانی دیکەی نێوان هەرێمی کوردستان و حکومەتی فیدراڵ.