ڕووسیا پێشنیازی سەرۆکی ئۆکراینا بۆ کۆبوونەوەی سەرۆکەکان ڕەتدەکاتەوە

ئاڤا نیوز

کۆشکی کریملن پێشنیازی ڤۆلۆدیمێر زیلێنسکی، سەرۆکی ئۆکراینا بۆ کۆبوونەوەی سەرۆکەکان بۆ کۆتایهێنان بە جەنگی نێوان هەردوو وڵات ڕەتدەکاتەوە.

وێنە گەورەکە: لە چاوپێکەوتنێکیدا لەگەڵ ئاژانسی ئەسۆشیەتد پرێسی ئەمریکی، زیلێنسکی پێشنیازی کۆبوونەوەیەکی چوار قۆڵی لە نێوان ئەمریکا، ڕووسیا، ئۆکراینا و یەکێتی ئەوروپا بۆ کۆتایهێنان بە جەنگی نێوان ئۆکراینا و ڕووسیا خستەڕوو.

لێدوانی فەرمی: دیمیتری بیسکۆڤ، وتەبێژی کۆشکی کریملن، لە کۆنگرەیەکی ڕۆژنامەوانیدا ڕایگەیاند: بە گرنگییەوە لە پێشنیازەکەی زیلێنسکی ناڕوانین و گفتووگۆمان لە بارەوە نەکردووە، چونکە ماوەی یاسایی سەرۆکایەتی تێپەڕاندووە و مافی ئەوەی نیە بەشداری کۆبوونەوەی سەرۆکەکان بکات.

ئەوەی پێویستە بیزانیت: لە ساڵی 2024 لە ئۆکرانیا هەڵبژاردن ئەنجامنەدرا و بەپێی دەستووری ئەو ووڵاتە خولی  5 ساڵەی سەرۆکایەتیی زیلێنسکی کۆتایی هاتووە.