نرخی ئەمپێری کارەبای موەلیدە ئەهلییەکان دابەزێنرا

ئاڤا نیوز

 

نرخی ئەمپێری موەلیدە ئەھلییەکانی هەر سێ پارێزگای هەولێر، سلێمانی و دهۆک بۆ مانگی شوبات دیاریکرا و بەراورد بە مانگی یەک، نرخەکەی دابەزیوە.

 

لێدوانە فەرمییەکان: قارەمان مەولوود، لێپرسراوی لیژنەی موەلیدە ئەهلییەكانی پارێزگای هەولێر: "ئەو شوێنانەی کە بە خشتەی ڕۆژانە کارەبایان پێدراوە، نرخی هەر ئەمپیرێک لە 12 هەزار دینار و ئەوانەشی بە بەردەوامی کارەبایان پێدراوە لە 17 هەزار و 500 دینارەوە دەستپێدەکات".

 

عوسمان محەممەد، سەرۆکی کۆمەڵەی موەلیدە ئەهلییەکانی پارێزگای سلێمانی: "نرخی هەر ئەمپێرێک بۆ مانگی شوبات بۆ شوێنە بازرگانییەکان لە 15 هەزار دینار بۆ 16 هەزار دینار دەبێت، بەڵام مانگی یەک 17 بۆ 19 هەزار دینار بوو".

 

ژمارەکان وادەڵێن:

لە هەولێر: مانگی یەک نرخی هەر ئەمپێرێک 16 هەزار و 500 دینار بوو، مانگی شوبات كەمترینی 12 هەزار دینار و زۆرترینیشی 17 هەزار و 500 دینار دەبێت. 

لە سلێمانی: مانگی یەک نرخی ئەمپێرێک 14 هەزار دینار بووە، بۆ مانگی شوبات نرخی هەر ئەمپێرێک لە 12 هەزار دینارەوە دەستپێدەکات.

لە دهۆک: مانگی یەک نرخی هەر ئەمپێرێک لە هەشت هەزار و 500 بۆ 19 هەزار و 750 دینار بووە، بەڵام بۆ مانگی شوبات لە حەوت هەزار و 500 بۆ 18 هەزار و 250 دینار دەبێت.

 

زانیاریی زیاتر: مانگی شوبات موەلیدە ئەهلییەکانی هەر سێ پارێزگاکەی هەرێمی کوردستان بە بەردەوامی 400 کاتژمێر کاریانکردووە.