سەرۆکوەزیران بارزانی و شێخە لەتیفە ئال مەکتووم دۆخی پێکەوەژیانیان لە کوردستان تاوتوێ کرد

ئاڤا نیوز

لە چوارچێوەی بەشداریکردنی لە لووتکەی جیهانیی حکومەتەکان لە ئیمارات، سەرۆکوەزیران مەسرور بارزانی لەگەڵ سەرۆکی دەستەی هونەر و ڕۆشنبیریی دوبەی، دۆخی پێکەوەژیانی ئاشتییانەی هەرێمی کوردستان و برەودان بە بەهاکانی ئاشتی و تەبایی نێوان گەلانیان تاوتوێ کرد.

وێنە گەورەکە: ئەمڕۆ چوارشەممە 12-2-2025، سەرۆکوەزیران مەسرور بارزانی، لەگەڵ شێخە لەتیفە محەممەد بن ڕاشد ئال مەکتووم، سەرۆکی دەستەی هونەر و ڕۆشنبیریی دوبەی کۆبووەوە

ڕاگەیێنراوی فەرمی: لە ڕاگەیێنراوی حکومەتی هەرێمی کوردستاندا هاتووە:

- لە دیدارەکەدا گفتوگۆ لەبارەی بەهێزکردنی پەیوەندی و هاوئاهەنگیی دوولایەنە لە بواری هونەری و کولتووری کرا.

- لە بەشێکی دیکەی دیدارەکەدا، دۆخی پێکەوەژیانی ئاشتییانەی هەرێمی کوردستان و برەودان بە بەهاکانی ئاشتی و تەبایی نێوان گەلان تاوتوێ کرا.
 
ئەوەی پێویستە بیزانیت: لووتکەی جیهانیی حکومەتەکان، کۆڕبەندێکی جیهانییە، ئەمساڵ دوازدەهەمین لووتکەیە ڕێکدەخرێت و چوارەمین ساڵە سەرۆکوەزیران مەسرور بارزانی لەپاڵ سەرکردەکانی جیهاندا بەشدارە.