سەرۆککۆماری عێراق هەر سێ یاساکەی پەرلەمانی پەسند کرد

ئاڤا نیوز

دوای پەسەندکردنی لە لایەن پەرلەمان و ڕەتکردنەوەی ئەو تانانەی لەلایەن دادگای فیدڕاڵییەوە لەسەر یاساکان تۆمارکرابوون، ئەمڕۆ سەرۆککۆماری عێراق هەر سێ یاسای لێبوردنی گشتی و باری کەسی و گەڕانەوەی موڵک بۆ خاوەنە ڕەسەنەکانیانی پەسەند کرد.

چیرۆکی سەرەکی: دوای حەوت ڕۆژ لە دەرکردنی فەرمانی سالاری بۆ ڕاگرتنی کارکردن بە سێ یاسا بەشێوەی کاتی کە کاردانەوەیەکی فراوانی سوننەکان و ناکۆکی لەناو دەسەڵاتی دادوەری دروستکرد، دوێنێ دادگای فیدڕاڵی بڕیاریدا فەرمانە سالارییەکەی هەڵبوەشێنێتەوە و سکاڵاکانیشی دژی یاسای گەڕانەوەی موڵک و باری کەسی و لێبوردنی گشتی ڕەتکردەوە.

ڕاگەیێنراوی فەرمی: نووسینگەی ڕاگەیاندنی سەرۆککۆماری عێراق بڵاویکردەوە، دوای ئەوەی دادگای فیدڕاڵی تانەکانی سەر یاساکان ڕەتکردەوە، د. لەتیف ڕەشید، سەرۆککۆماری عێراق، ئەمڕۆ هەر سێ یاسای (لێبووردنی گشتی، باری کەسیی و ەڕانەوەی موڵک بۆ خاوەنە ڕەسەنەکانیان) ـی پەسند کرد.