تیکتۆک لە ئەمریکا بەردەست دەبێتەوە

ئاڤا نیوز

لە ئەمریکا، تۆڕی کۆمەڵایەتیی تیکتۆک جارێکی دیکە لە گوگڵ پلەی و ئەپ ستۆر بەردەست دەبێتەوە و بەکاربەران دەتوانن بەکاری بهێنن.

چیرۆکی سەرەکی: دوای ئەوەی کۆنگرێسی ئەمریکا قەدەغەی تیکتۆکی لە ئەمریکا پەسەند کرد و جۆ بایدن واژۆی لەسەر کرد، بۆ ماوەی چەند هەفتەیەک تیکتۆک لە ئەمریکا بەردەست نەبوو.

زانیاریی زیاتر: دوای گەڕانەوەی ترەمپ بۆ کۆشکی سپی، یاساکەی کۆنگرێسی بۆ ماوەی 75 ڕۆژ ڕاگرت و دەرفەتی دا بە کۆمپانیاکە تاوەکو لەو ماوەیەدا یان تیکتۆک بفرۆشێت یان خۆی لەگەڵ یاسای نوێی کۆنگرێسدا بگونجێنێت، داوای کردبوو ڤێرژنێکی ئەمریکی درووست بکات و لە بری ڤێرژنە چینییەکە بیفرۆشێت.

ئەوەی پێویستە بیزانیت: تیکتۆک زیاتر لە 170 ملیۆن بەکاربەری لە ئەمریکا هەیە. ئەمریکا نیگەرانە لەوەی تیکتۆک بۆ مەبەستی سیخوڕی بەکار ببرێت و زانیاریی بەکاربەران بداتە دەوڵەتی چین. چینیش ئەم تۆمەتانە ڕەتدەکاتەوە.