ترەمپ: فڕۆکەی جەنگی F-35 بە هیندستان دەفرۆشین

ئاڤا نیوز

سەرۆکی ئەمریکا پلانی داناوە ئەمساڵ فرۆشتنی چەک بۆ هیندستان زیاد بکات، لەوانە فڕۆکەی جەنگی 35-F، ئەمەش دوای کۆبوونەوەی لەگەڵ سەرۆکوەزیرانی هیندستان.

وێنە گەورەکە: دوای کۆبوونەوەی دۆناڵد ترەمپ، سەرۆکی ئەمریکا  لەگەڵ سەرۆکوەزیرانی هیندستان ناریندرا مۆدی، لە واشنتن گفتوگۆیان لەسەر هەموو بابەتەکان بە گشتی کرد،  بازرگانیی و  کۆچبەران و ئاسایش لە سەرووی هەموو بابەت و کارنامەکانەوە بوو.

لێدوانی فەرمی: ترەمپ لە کۆنگرەیەکی ڕۆژنامەوانی هاوبەشدا لەگەڵ مۆدی گوتی "لە سەرەتای ئەمساڵەوە فرۆشتنی کەرەستەی سەربازی بە هیندستان بە ملیاران دۆلار زیاد دەکەین، "هەروەها ئێمە ڕێگە خۆشدەکەین بۆ ئەوەی فڕۆکەی F-35 ـی شەڕکەری نهێنی بۆ هیندستان دابین بکەین.

لە لایەکی دیکەوە: کۆمپانیای Lockheed Martin کە فڕۆکەی F-35 دروست دەکات هیچ لێدوانێکی لەبارەی خواستەکانی ترەمپ نەداوە بۆ فرۆشتنی ئەو فڕۆکەیە بە هیندستان، زیادکردنی فڕۆکەی F-35 سەرکەوتنێکی گەورە دەبێت بۆ هیندستان، چونکە تەنها چەند وڵاتێک بۆیان هەیە ئەو فڕۆکەیە پێشکەوتووە ئەمریکیە بکڕن، وەک وڵاتانی ئیسرائیل، ژاپۆن و وڵاتانی ناتۆ ڕێگەیان پێدراوە ئەو فڕۆکەیە لە ئەمریکا بکڕن.

زانیاریی زیاتر: سەرۆکی ئەمەریکا وتیشی،  هەردوو وڵات پێکەوە لەسەر بابەتە ئەمنییەکان کار دەکەن لەوانە "هەڕەشەی تیرۆریزمی ئیسلامی توندڕەو و ڕێکەوتنێکی بازرگانی کە هیندستان نەوت و گازی زیاتری ئەمریکا هاوردە دەکات.