پەیامێک لە سەرۆک مەسعود بارزانییەوە

ئاڤا نیوز

 

بەبۆنەی حەفتاودووەمین ساڵیادی دامەزراندنی یەكێتیی قوتابیانی كوردستان و یەكێتیی لاوانی دیموكراتی كوردستان، سەرۆک بارزانی پیرۆزبایی خۆی ئاراستەی ھەردوو سکرتاریەتی قوتابیان و لاوان، ھەموو قوتابی و لاوانی کوردستان دەکات.

 

پەیامی فەرمی: لە پەیامەکەی سەرۆک مەسعود بارزانیدا هاتووە: قوتابیان و لاوانی کوردستان هەر لە ساتی‌ دامه‌زراندنی رێکخراوه‌که‌یانه‌وه‌، لە قۆناغی شۆڕشی ئەیلوول هەتا ئێستا ڕۆڵی بەرچاویان لە خەباتی گەلەكەمان هەبووە. هەردوو ڕێكخراو قوتابخانەی پێگەیاندنی ڕۆڵەی هۆشیار و بوێر و سەركردەی بە توانا، شوێنگەی پەروەردەبوونی وزە و هەناسەی نوێبوونە بۆ بزووتنەوەی ڕزگاریخوازی كوردستان. لاوان و قوتابیان لە ڕێگەی خەبات و تێكۆشانی خۆیاندا شەهید و قوربانیان داوە.

 

-لەو یادەدا ئەو چاوەڕوانییە لە قوتابیان و لاوانی ئازیز هەیە كە پابەندی بەها بەرزەكانی ڕێبازی كوردایەتی و نیشتیمانپەروەری بن، لەهەمانكاتیشدا بە چەكی زانست و داهێنان كار بۆ پێگەیاندنی گەنج و لاوی هۆشیار و بڕوابەخۆبوو بكەن.
 
-یەكێتیی قوتابیانی كوردستان و یەكێتیی لاوانی دیموكراتی كوردستان، هەمیشە جێگەی ئومێدن و دەبێ هەردەم لەئاست چاوەڕوانیی كۆمەڵگە و دۆزی ڕەوای گەلی كوردستاندا بن.