حەماس شەش بارمتە و چوار تەرم ڕادەستی ئیسرائیل دەکاتەوە

ئاڤا نیوز

بزووتنەوەی حەماس ڕایدەگەیێنێ، ڕۆژی پێنجشەممە ڕێککەوتی 20-2-2025، تەرمی چوار بارمتەی ئیسرائیلی ڕادەست دەکاتەوە کە ئێستا لە کەرتی غەززە و لە ژێر دەستی حەماسدان.

لێدوانی فەرمی: خەلیل حەییە، دانوستاندنکاری باڵای حەماس لە پەیامێکی تەلەڤیزیۆنیدا ڕایگەیاند، "بڕیارمان دا بە ڕادەستکردنەوەی چوار تەرم لە ڕۆژی پێنجشەممە و لە بەرامبەریشدا دوژمن ڕۆژی شەممە زیندانییەکان ئازاد دەکات، ئەمەش بە گوێرەی ڕێککەوتنەکە."

ئەوەی پێویستە بیزانیت: حەماس هەروەها ڕایگەیاند، ڕۆژی شەممە، شەش بارمتەی دیکەی ئیسرائیلی ئازاد دەکات.

 
بۆچوونی لایەنی بەرامبەر: لای خۆیەوە، ئیسرائیل ڕادەستکردنی تەرمەکان و ئازادکردنی بارمتەکانی پشتڕاست کردەوە.