شاندی ئیمرالی لەگەڵ سەرۆكوەزیران مەسرور بارزانی كۆدەبنەوە

ئاڤا نیوز

 

دوای كۆبوونەوەیان لەگەڵ هەریەك لە سەرۆك بارزانی و سەرۆكی هەرێمی كوردستان، شاندی ئیمرالی بەر لە گەڕانەوەیان بۆ توركیا، لەگەڵ سەرۆكوەزیران مەسرور بارزانی كۆدەبنەوە.

 

وێنە گەورەكە:  ڕۆژی شەممە 15-2-2025، شاندێكی  شاندی ئیمرالی، بەمەبەستی گەیاندنی پەیامی ئۆجەلان بۆ سەرۆك بارزانی و بردنەوەی پەیامی سەرۆك بارزانیش بۆ ئۆجەلان و گفتوگۆكردن سەبارەت بە پرۆسەی ئاشتی، بە سەردانێك لە باكووری كوردستانەوە گەیشتنە باشووری كوردستان، وا بڕیارە سبەی بگەڕێنەوە.

 

زانیاریی پەیامنێر: كوردستان حەسەن، پەیامنێری دیبلۆماسیی ئاڤا میدیا ڕایگەیاند: سبەی چوارشەممە 19-2-2025، شاندی ئیمرالی بەر لە گەڕانەوەیان بۆ توركیا، لەگەڵ سەرۆكوەزیران مەسرور بارزانی كۆدەبنەوە.

ئەوەی پێویستە بیزانیت: شاندی ئیمرالی ڕۆژی 16ی ئەم مانگە لەگەڵ سەرۆك بارزانی كۆبوونەوە و پاشان 17ی مانگ لەگەڵ نێچیرڤان بارزانی، سەرۆكی هەرێمی كوردستان و ئەمڕۆش لەگەڵ بافڵ تاڵەبانی، سەرۆكی یەكێتی كۆبوونەوە.