چوارچێوەی هەماهەنگی خواستێکی سوودانی لەبارەی هەڵبژاردن ڕەتدەکاتەوە

ئاڤا نیوز

سەرکردەیەکی شیعەکان دەڵێت، سەرۆکوەزیرانی عێراق خواستی ئەوەی هەیە لەگەڵ چوارچێوەی هەماهەنگی بە یەک لیست بەشداریی هەڵبژاردن بکات، بەڵام سەرکردەکانی چوارچێوەی هەماهەنگی ئەو داواکارییەی سوودانیان ڕەتکردووەتەوە.

وێنە گەورەکە: لە هەڵبژاردنە پەرلەمانییەکەی ساڵی 2021ـدا، حیزبەکەی محەممەد شیاع سوودانی، سەرۆکوەزیرانی عێراق کە ناوی فوڕاتینە، لەکۆی 329 کورسی تەنیا دوو کورسی بەدەستهێنابوو، بەڵام دوای كشانەوەی سەدر لە پەرلەمان، ژمارەی کورسییەکانی ئەو حیزبە بۆ سێ کورسی بەرزبووەوە.

لێدوانی فەرمی: بەها ئەعرەجی، جێگری پێشووتری سەرۆکوەزیرانی عێراق لە چاوپێکەوتنێکدا ڕایگەیاند:

٠ محەممەد شیاع سوودانی، سەرۆکوەزیران دەیەوێت لەگەڵ چوارچێوەی هەماهەنگی بە یەک لیست بەشداریی هەڵبژاردن بکات، بەڵام سەرکردەکانی چوارچێوەی هەماهەنگی بەشدارپێکردنی سوودانیان لە لیستەکەیاندا ڕەتکردووەتەوە.

٠ حکومەتەکەی سوودانی زۆرترین دامەزراندنی لە کەرتی حکومیی دا ئەنجامداوە، ئەوەش هەڵەیە و بەفشاری چوارچێوەی هەماهەنگی بووە.

٠ هەوڵەکان بۆ هەموارکردنەوەی یاسای هەڵبژاردن سەرکەوتوو نابێت