مژدەیەک بۆ ئەو کەسانەی ناویان بۆ حەج دەرچووە

ئاڤا نیوز

 

وەزارەتی ئەوقاف ڕاگەیێنراوێکی بڵاوکردووەتەوە و مژدەیەکی داوەتە ئەو کەسانەی یەدەگی حەجی ئەمساڵن کە بۆ ساڵی داهاتووش وەک یەدەگ دەمێننەوە و مافیان نافەوتێت.

 

ڕاگەیێنراوی فەرمی: "لەپێناو بەرژەوەندیی گشتیی هاووڵاتیان بڕیار دراوە ئەو ناوانەی کە لە پرۆسەی حەجی ئەمساڵ 2024، ناویان هاتووەتەوە و لە یەدەگەکانن، بۆ پڕۆسەی حەجی ساڵی داهاتوو 2025 هەمان مافیان دەمێنێت". وەزارەتی ئەوقاف و کاروباری ئایینی ڕایگەیاندووە.

 

لێدوانی فەرمی: نەبەز ئیسماعیل، بەڕێوەبەری ئەوقافی هەولێر بە ئاڤا نیوزی گوت: "ئەو کەسانەی ناویان بە یەدەگ دەرچووە و نەیانتوانیوە ئەمساڵ بچنە حەج، ساڵی داهاتوو وەک یەدەگ دەمێننەوە و مافیان نافەوتێت".