هونەرمەند عەدنان كەریم خانەنشین بوو

ئاڤا نیوز

هونەرمەندی ناسراوی كورد، عەدنان كەریم، كە مامۆستای بەشی شێوەكاری بوو لە كۆلێژی هونەرە جوانەكانی زانكۆی سلێمانی، خانەنشین بوو.

بڵاوكراوەی فەرمی: كۆلێژی هونەرە جوانەكانی سلێمانی چەند وێنەیەكی بڵاوكردووەتەوە و ئاماژەی بە ئەوە داوە كە لە ڕێوڕەسمێكدا ڕێزلێنانیان پێشكەش بە هونەرمەندی ناسراوی كورد عەدنان كەریم كردووە بەبۆنەی خانەنشینبوونی و هەر لە میانەی ڕێوڕەسمەكەدا عەدنان كەریم كە مامۆستا بوو لە بەشی شێوەكاریی كۆلێژەكە وتەیەكی سوپاسگوزاری پێشكەش كردووە.

باكگراوند: هونەرمەند عەدنان کەریم، خەڵكی گوندی ژاژڵەی سەر بە ناوچەی شارباژێڕە و یەكێكە لە هونەرمەندە ناودارەكانی كورد، لە ساڵی 1963 لە شاری کەرکووک لەدایك بووە، ساڵی 1985 بەشی وێنەکێشانی لە پەیمانگای هونەرە جوانەکانی سلێمانی تەواو كردووە.