وەزیری پەروەردە: مامۆستایانی خانەنشین تا کۆتایی پرۆسەی خوێندنی ئەمساڵ لە ئەرکەکانیان بەردەوام دەبن

ئاڤا نیوز

بەهۆی خانەنشینبوونی ژمارەیەکی زۆری مامۆستایان و درووستبوونی بۆشایی لە ناوەندەکانی خوێندن، حکومەتی هەرێمی کوردستان بڕیاریدا مامۆستایانی خانەنشین تا کۆتایی پرۆسەی خوێندنی ئەمساڵ لە ئەرکەکانیان بەردەوامبن.

چیرۆکی سەرەکی: وەزیری پەروەردەی حکومەتی هەرێمی کوردستان سەبارەت بەو مامۆستایانەی بەهۆی گۆڕانکاری لە تەمەنی خانەنشینی خانەنشین دەبن ڕوونکردنەوە دەدات و جەخت لەوەدەکاتەوە کە تا کۆتایی پرۆسەی خوێندنی ئەمساڵ لە ئەرکەکانیان بەردەوام دەبن.

لێدوانی فەرمی: د. ئالان حەمە سەعید، وەزیری پەروەردەی حکومەتی هەرێمی کوردستان ڕایگەیاند، "ڕەزامەندی ئەنجوومەنی وەزیران وەرگیراوە لەسەر ئەوەی کە ئەو مامۆستایانە تاوەکو کۆتایی ئەمساڵ لە ئەرکەکەیان بەردەوام دەبن و خانەنشینیش دەکرێن، ئەو بڕە پارەیەی بەهۆی خانەنشینبوونیان لێیان کەمدەبێتەوە قەرەبوو دەکرێنەوە."

لەلایەکی دیکەوە: سەبارەت بە دواکەوتنی پرۆسەی خوێندن لە سنووری پارێزگای سلێمانی و قەرەبووکردنەوەی وانەکان، وەزیری پەروەردە ئاماژەی بەوەدا، دەسەڵات بە بەڕێوەبەرایەتی گشتیی پەروەردەی سلێمانی دراوە بە پاکێجێک قەرەبووی ئەو وانانە بکرێتەوە.