سەرۆک بارزانی و جێگری وەزیری دەرەوەی ئەمریكا: سەردانەکەی سەرۆکوەزیران بارزانی بۆ واشنتن سەرکەوتوو بوو

ئاڤا نیوز

سەرۆک بارزانی و جێگری وەزیری دەرەوەی ئەمریکا سەردانەکەی هەفتەی ڕابردووی سەرۆکوەزیران بارزانی بۆ واشنتن بە جددی و سەرکەوتوو وەسف دەکەن. 

 

چیرۆکی سەرەکی: ڕۆژی چوارشەممە 06-03-2024 سەرۆک مەسعود بارزانی لە سەڵاحەددین پێشوازی لە ڤیكتۆریا تەیلەر جێگری وەزیری دەرەوەی ئەمریكا كرد و باس لە سەردانەكەی سەرۆكوەزیران بارزانی بۆ واشنتن كرا و بە سەردانێكی جددی و سەركەوتوو وەسفكرا.

 

ڕاگەیێنراوی فەرمی: بەپێی ڕاگەیێنراوی بارەگای بارزانی لە کۆبوونەوەکە جەخت لە پێویستیی پاراستنی سەقامگیریی عێراق و ڕۆڵی هێزەكانی هاوپەیمانان لە سەقامگیریی عێراق و ناوچەكە كرایەوە.

 

لەلایەکی دیکەوە: سەرۆک بارزانی پاڵپشتیی خۆی بۆ بەڕێوەچوونی هەڵبژاردن دووپات كردەوە و هەروەها نیگەرانیی خۆیشی لەبارەی بڕیاری دادگەی فیدراڵی لەمەڕ نەهێشتنی كۆتای پێكهاتەكان خستەڕوو و ئەو بڕیارەی بە هەوڵدان بۆ بنكۆڵكردنی مافی پێكهاتەكان و زیانگەیاندن بە پڕۆسەی دیموكراسی لەقەڵەم دا.