لە پارێزگای سینۆپی تورکیا بەهۆی داڕمانی زەوی سێ خانوو ڕوخان

 

ئاڤا نیوز

لە ڕووداوێکی داڕمانی زەوی لە شارۆچکەی تورکێلی سەر بە پارێزگای سینۆپی تورکیا، سێ خانوو ڕووخان و چوار کەس بە برینداری لە ژێر دارووپەردووی خانووە ڕووخاوەکان دەرهێنران.

چیرۆکی سەرەکی: درەنگانی دوێنی شەو لە گوندی دوز بەهۆی داڕمانی زەوی سێ خانوو ڕووخان، تیمەکانی ئافادی فریاگوزاری و جەندرمە گەیشتنە شوێنی ڕووداوەکە دوای سێ کاتژمێر لە هەوڵدان توانیان چوار کەس بە برینداری ڕزگاربکەن.

ڕاگەیێنراوی فەرمی: موستەفا ئۆزئەرسلان، پارێزگاری سینۆپ ڕایگەیاند، ڕووداوەکە کاتژمیر 11:40 خوولەکی شەو بووە، هەر کە زانیمان خەڵکی لە ژێر دارووپەردووەکان ماون، تیمەکانمان خێرا گەیشتنە شوێنی ڕووداوەکە و ڕزگاریان کردن.

هۆکارە زانراوەکان: ماوەی چەند هەفتەیەکە بەفر و سەرمایەکی زۆر ڕووی لە شارەکانی تورکیا و باکووری کوردستان کردووە، چەند جارێکیش بوومەلەرزە بە گوڕی کەم و بێ زیان لە ناوچەکەی داوە، بەهۆیەوە شارەکانی تورکیا بە گشتی لەژێر مەترسی زەوی لەرزەدان.