كونسوڵی گشتیی ئەمریكا سەردانی یادگەی نیشتمانی بارزان دەكات

ئاڤا نیوز

كونسوڵی گشتی ئەمریكا سەردانی یادگەی نیشتمانی بارزان دەكات لە دەڤەری بارزان و سەرسامی خۆی دەردەبڕێت بە بەدیكۆمێنتكردنی مێژووی قوربانیدانی بارزانییەكان لە كاروانی بزووتنەوەی ڕزگاریخوازی گەلی كوردستاندا.

وێنە گەورەكە: ستیڤ بیتنەر، کونسوڵی گشتی ئەمریکا سەردانی یادگەی نیشتیمانیی بارزانی کرد و لەلایەن خەڵات بارزانی، نوێنەری سەرۆك مەسعود بارزانی بۆ مەزاری نەمران، پێشوازی لێكرا.

ڕاگەیێنراوی فەرمی: ماڵپەڕی فەرمی كونسوڵخانەی گشتیی ئەمریكا لە هەولێر وێنەكانی سەردانی بیتنەری بۆ دەڤەری بارزان بڵاوكردووەتەوە و ئاماژەی بەوە كردووە، مەبەستی سەردانەكە بۆ ڕێزگرتن بووە لە قوربانییە بارزانییەکان کە بەر شاڵاوی دڕندانەی ئەنفال لە ساڵی 1983 کەوتن.

ئەوەی پێویستە بیزانیت: ساڵانە لە بۆنەكانی ئازار و نەورۆز كە هاوكاتە لەگەڵ ڕێككەوتی لەدایكبوونی باوكی رۆحی كورد مەلا مستەفا بارزانی، هاونیشتمانییان بە سەرجەم چین و توێژەكانەوە سەردانی مەزاری نەمران دەكەن، جگە لەناوخۆی هەرێمی كوردستان، نوێنەری لایەن و پێكهاتەكانی عێراق و وڵاتانی دەرەوەش مەبەستیانە لەنزیكەوە مێژووی قوربانیدانی بارزانییەكان لە كاروانی بزووتنەوەی ڕزگاریخوازی كورد ببینن.