بەراوردی تێچوو و سوودەکانی کارەبای 24 کاتژمێری

ئاڤا نیوز

دوای ساڵانێک لە کەمی و خراپی کاتژمێرەکانی کارەبای مۆلیدە و نیشتمانی، لە ڕێگەی پڕۆژەی ڕووناکییەوە حکومەتی هەرێمی کوردستان هەوڵی ڕۆشنکردنەوەی تاک بەتاکی ماڵەکانی هەرێمی کوردستان دەدات، بە تێچووێکی کەم و سوود و قازانجێکی زۆر بۆ هاوبەشان.

 

وێنە گەورەکە: پڕۆژەی ڕووناکی یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، ماوەی زیاتر لە شەش مانگە دەستیپێکردووە، پڕۆژەکە لە فراوانبوونە، لە هەولێر 21 گەرەکی گرتووەتەوە و لە سلێمانیش حەوت گەڕەک، کۆتایی ئەم مانگە دەگاتە دهۆکیش، بڕیارە ساڵی داهاتوو بگاتە سەرجەم هەرێمی کوردستان.

 

زانیاریی زیاتر: 80 هەزار هاوبەش لە پڕۆژەی ڕووناکی سوودمەندبوون، شێوازی پارەدانی هاوبەشان مانگانەیە و پۆست پەیدە، واتا هاوبەشانی پڕۆژەی ڕووناکی مانگانە چەند کارەبا بەکاربهێنن و لەسەر ئەو بنەمایە پارەیان لێوەردەگیرێت. 

 

ئەمەش بزانە: هاوینی ئەمساڵ هاونیشتمانییانی شاری هەولێر ڕزگاریان دەبێت لە کەمی کارەبای نیشتمانی، تاوەکو ساڵی 2026یش تەواوی هەرێمی کوردستان لە خراپی و کەمی کارەبای نیشتمانی ڕزگاریان دەبێت.