یەکەم ڕۆژی جەژنی ڕەمەزان لەڕووی فەلەکییەوە دیاری دەکرێت

ئاڤا نیوز

پەیمانگای نیشتمانی توێژینەوەی فەلەکناسی و جیۆفیزیا لە میسر چاوەڕوانییەکانی خۆی بۆ بینینی هیلالی مانگی شەوالی 1446 و دیاریکردنی یەکەم ڕۆژی جەژنی ڕەمەزان لە میسر و وڵاتانی دیکەی عەرەبی ئاشکرا دەکات.

 

ڕاگەیێنراوی فەرمی: بەگوێرەی ڕاگەیێنراوی پەیمانگاکە، سەرەتای دەرکەوتنی هیلالی مانگی شەوال لە کاتژمێر 1ـی پاشنیوەڕۆی ڕۆژی شەممە 29ـی ڕەمەزانی ساڵی 1446ـی کۆچی بە کاتی ناوخۆی قاهیرە دەبێت، کە هاوتایە لەگەڵ 29ی ئازاری 2025، دەرکەوتنی هیلالی نوێ بۆ ماوەی حەوت خولەک لە ئاسمانی مەککەدا دەمێنێتەوە، لە قاهیرە بۆ ماوەی 11 خولەک دوای خۆرئاوابوونی ڕۆژ.

 

ئەوەی پێویستە بیزانیت: بەم پێیە ئەگەر هیلالی شەوال لە ئێوارەی 29ی ڕەمەزاندا ببینرێت، ئەوا ڕەمەزان ناتەواو دەبێت واتە دەبێتە 29 ڕۆژ و جەژنی ڕەمەزانیش دەکەوێتە ڕۆژی یەکشەممە 30ی ئازار، بەڵام ئەگەر هیلالەکە نەبینرا ئەوا 30 ڕۆژ ڕەمەزان تەواو دەبێت و جەژنی ڕەمەزان دەکەوێتە ڕۆژی دووشەممە 31ی ئازار.