ترەمپ بۆ پشتیوانی ئیلۆن مەسک ئۆتۆمبێلێکی تێسلای کڕی

ئاڤا نیوز

دۆناڵد ترەمپ، سەرۆکی ئەمریکا بەمەبەستی نیشاندانی پشتیووانی ئیلۆن مەسک، ڕاوێژکاری باڵا و بەڕێوەبەری جێبەجێکاری کۆمپانیای تێسلا، ئۆتۆمبێلێکی تێسلای کڕی و گوتی، ئەم پیاوە و وزە و تەمەنی خۆی بۆ ئەنجامدانی ئەمە تەرخان کرد، بەڕای من ناحەقی بەرامبەر کراوە.

چیرۆکی سەرەکی: وەک پاڵپشتییەک بۆ ئەو زەرەرەی کە ئیلۆن مەسک دوێنی تووشی بوو، دۆناڵد ترەمپ، سەرۆکی ئەمریکا ئۆتۆمبێلێکی تێسلای کڕی و لەگەڵ مەسکدا چووە بەردەم کامێرەکان و لەبەردەم ئۆتۆمبێلەکان کە هێندرابوونە باخچەی کۆشکی سپی وێنەی گرت و سەرسامی خۆی بۆ شێوازی دروستکردنی یەکێک لە ئۆتۆمبێلەکان دەربڕی وتی:" ئەم ئۆتۆمبێلە هەمووی بەرنامەی کۆمپیوتەرییە".

لێدوانی فەرمی: دۆناڵد ترەمپ، سەرۆکی ئەمریکا  ئاماژەی بەوە کرد کە لە هەلومەرجی ئاساییدا خۆی ئۆتۆمبێل بەکارناهێنێت، بەڵام بۆ پشتیووانی کردنی مەسک ئۆتۆمبێلێک دەکڕێت و گوتی: دەیکڕم، چونکە یەکەم ئەمە بەرهەمێکی ناوازە و باشە. دووەم ئەم پیاوە وزە و تەمەنی خۆی بۆ ئەنجامدانی ئەمە تەرخان کرد، بەڕای من ناحەقی بەرامبەر کراوە.

بە تەنیشت ئەم بابەتەوە: ترەمپ جەختی لەسەر ئەوە کردەوە کە تۆمەتبارکردنی بریکارەکانی تێسلا بە تووندوتیژیی و بە "کردەی تیرۆریستیی ناوخۆ" دادەنرێت و لێکەوتەیەکی قورسی بۆ ئەنجامدەرانی دەبێت.