پێشەوا هەورامانی: ئەمرۆ لیستی مووچە بڵاودەکرێتەوە

ئاڤا نیوز

 

پێشەوا هەورامانی، وتەبێژی حکومەتی هەرێمی کوردستان جەخت لە هەوڵەکانی حکومەت بۆ دابینکردنی مووچە و هەناردەکردنەوەی نەوت دەکاتەوە.

 

وێنە گەورەکە: سبەی دەست بە دابەشکردنی مووچەی مانگی دووی مووچەخۆران دەکرێت و هەوڵەکانی حکومەت بۆ ئامادەکردنی لیستی مووچەی مانگی سێ دەستیپێکردووە، هاوکات گفتوگۆکان لەبارەی هەناردەکردنەوەی نەوتی هەرێمی کوردستان بەردەوامە.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان بە ئاڤا میدیای ڕاگەیاند: ئەمریکا لەبارەی هەناردەکردنەوەی نەوت لەسەر هێڵە و هیچ هۆکارێک بۆ هەناردەنەکردنەوی نەوت نییە.

 

ئەوەی پێویستە بیزانیت: وتەبێژی حکومەتی هەرێمی کوردستان دەشڵێت: 

- وادەی هەناردەکردنەوەی نەوتی هەرێمی کوردستان دیاری نەکراوە.
-لەکاتی خۆیدا لیستی مووچەی مانگی سێ بۆ بەغدا دەنێرین.
-دەمانەوێت بەغدا بیانووی بۆ دواخستنی مووچەی مانگی سێ نەبێت.
-هەموو هەوڵێک دەدەین بیانووەکانی بەغدا لەبارەی مووچە نەهێڵین.
-ئەمڕۆ خشتەی مووچە بڵاودەکرێتەوە.
-ئەوەی لەسەر شانی ئێمە بێت بۆ مووچەی مانگی سێ لەکاتی خۆیدا جێبەجێی دەکەین.
-ئەنجوومەنی وەزیران بڕیاری لێخۆشبوونی لە کەفیلەکانی قەرزی هاوسەرگیری داوە.
-بڕیاری لێخۆشبوون بۆ ئەو کۆچکردووانە دەرچووە کە قەرزی پێشینەکانی حکومەتیان لەلایە.
-لێخۆشبوونەکە پێشینەی هاوسەرگیری و قەرزی پڕۆژە بچووکەکان دەگرێتەوە.