فایلی خەڵک؛ هەزاران زیندانیی سیاسی داوای بەستنی مووچە دەکەن

ئاڤا نیوز

هەزاران زیندانیی سیاسی کە پێشتر لە سەردەمی ڕژێمی بەعس زیندانی کراون، داوا دەکەن مووچەیان بۆ ببەسترێ. ئاڤا بەدواداچوون بۆ بابەتەکە دەکات.

لێدوانی فەرمی: سەرچاوەیەک لە وەزارەتی کاروباری شەهیدان و ئەنفالکراوان دەڵێ:

- ئێستا وەجبەی یەک تاوەکو وەجبەی هەشتی زیندانییانی سیاسی مووچەیان هەیە و وەریدەگرن.

- بۆ وەجبەکانی نۆ، دە، یازدە و دوازدە لەگەڵ وەزارەتی دارایی هەموو ڕێکارە کارگێڕی و یاساییەکانمان تەواو کردووە.

- نێردراوە بۆ ئەنجوومەنی وەزیران، تەنیا ماوە ڕەزامەندی لەسەر بدرێت و مووچەکانیان بۆ ببەسترێت.

- ئێستا وەزارەتی شەهیدان و ئەنفالکراوان کار لەسەر وەجبەکانی سێزدە، چواردە و پازدە دەکات.

ئەوەی پێویستە بیزانیت: خاتوو ساتیحە ئەحمەد یەکێکە لەو زیندانییە سیاسییانە و ماوەی نۆ مانگ زیندانیی کراوە، بەڵام تاوەکو ئێستا هیچ مووچەیەکی نیە. وەزارەتی کاروباری شەهیدان و ئەنفالکراوان ئێستا کار لەسەر دۆسیەکەی دەکات.