پەیامی سەرۆكوەزیران مەسرور بارزانی لەبارەی نەورۆز

ئاڤا نیوز

بە بۆنەی جەژنی نەورۆز و سەری ساڵی نوێی كوردی، سەرۆكوەزیران مەسرور بارزانی پەیامێكی پیرۆزبایی بڵاودەكاتەوە و لەمیانەدا باسیش لە پرسی پێكهێنانی كابینەی تازەی حكومەت دەكات.

چیرۆكی سەرەكی: 21ـی3ـی هەموو ساڵێك سەری ساڵی كوردییە و یەكەم ڕۆژی جەژنی نەورۆزە كە جەژنێكی نەتەوەیی كوردە بەو بۆنەیەوە سەركردە و بەرپرسانی باڵای كورد پەیامی پیرۆزبایی بڵاودەكەنەوە.

بڵاوكراوەی فەرمی: سەرۆكوەزیران مەسرور بارزانی لە پەیامەكەیدا ڕایگەیاند:

٠ گەرمترین پیرۆزبایی لە سەرجەم کوردستانييان، بە تایبەتی پێشمەرگە قارەمانەکان و هێزەکانی ئاسایشی ناوخۆ و کەس و کار و بنەماڵەی سەربەرزی شەهیدان و ئەنفالکراوان دەکەم. هیوادارم لە خۆشی و شادی و ئارامی و خۆشگوزەرانیدا بن.

٠ سوپاسی خەڵکی خۆڕاگر و نیشتمانپەروەری کوردستان دەکەم کە ئیرادەی بەهێزی گەلی کوردستان، وامان لێدەکات بەگەشبینیەوە لە داهاتوویەکی باشتر بڕوانین.

٠ ئومێدەوارین لە ئایندەیەکی نزیکدا، بتوانین حکومەتێکی نوێی بەهێز و یەکگرتوو پێکبهێنین و بە شێوەیەکی باشتر و شایستەتر، درێژە بە کارنامە چاکسازییەکەمان بدەین و زیاتر خزمەتی گشت هاووڵاتییانی هەرێمی کوردستان بکەین و وڵاتەکەمان بەرەو قۆناخێکی پێشکەوتووتر و گەشەسەندووتر ببەین.