Radio
Radio
TV
TV
AVA logo

پووتین پەیامێک ئاراستەی ئەحمەد شەرع دەکات

شەیری بکە لە:
پووتین پەیامێک ئاراستەی ئەحمەد شەرع دەکات

ڤلادیمێر پووتین، سەرۆکی ڕووسیا و ئەحمەد شەرع، سەرۆکی سووریا بۆ قۆناغی ڕاگوزەر

ئاڤا نیوز
 
 
ڤلادیمێر پووتین، سەرۆکی ڕووسیا لە پەیامێکدا بۆ ئەحمەد شەرع، سەرۆکی سووریا بۆ قۆناغی ڕاگوزەر، ئامادەیی ڕووسیا بۆ دووبارە بوونیادنانەوە و بەهێزکردنی پەیوەندییەکان و هەماهەنگی لەگەڵ حکومەتی نوێی سووریا ڕادەگەیێنێت.
 
 
وێنە گەورەکە: دوای ڕووخانی ڕژێمی بەشار ئەسەد و هەڵاتنی ئەسەد بۆ ڕووسیا و ڕەتکردنەوەی داوای حکومەتی نوێی سووریا بۆ ڕادەستکردنەوەی بەشار ئەسەد، پەیوەندیی نێوان مۆسکۆ و دیمەشق لە خراپترین ئاستیدا بوو، ئەمڕۆ پێنجشەممە کۆشکی کرێملن پشتیووانی و ئامادەیی ڤلادیمێر پووتین، سەرۆکی ڕووسیای بۆ هاوکاری حکومەتی نوێی سووریا دەربڕی.
 
 
لێدوانی فەرمی:  دیمتری پیسکۆڤ، وتەبێژی کۆشکی کرێملن لە کۆنگرەیەکی ڕۆژنامەوانیدا ڕایگەیاند: "سەرۆک پووتین جەخت دەکاتەوە لەسەر ئامادەیی بەردەوامی ڕووسیا بۆ گەشەپێدانی پەیوەندی و هەماهەنگی لەگەڵ سەرکردایەتی نوێی سووریا لە هەموو بوارەکاندا لەپێناو بەهێزکردنی پەیوەندییەکانی نێوان ڕووسیا و سووریا."
 
 
بۆچی گرنگە: ئاسایبوونەوەی پەیوەندییەکانی نێوان ڕووسیا و سووریا و پشتیوانی مۆسکۆ لە دیمەشق کاریگەری گەوەری دەبێت لەسەر ئاسایش و سەقامگیریی سووریا و ڕۆژهەڵاتی ناوڕاست. هاوکات دووبارە بوونیادنانەوەی پەیوەندیی بازرگانیی نێوان ڕووسیا و سووریا، هۆکار و ڕێگەیەکی گرنگ دەبێت بۆ بووژانەوەی ژێرخانی ئابووریی سووریا.

زیاتر لەسەر ئەم بابەتانە بکۆڵەرەوە

ئەحمەد ئەمیر
شەیری بکە لە:

دوایین هەواڵەکان

هەڵبژاردەکان بۆ تۆ

جیهان

© 2025 Audio Video Advertisement Entertainment Company For Satellite Broadcasting LTD.