بەرپرسانی باڵای ژاپۆن و چین و کۆریای باشوور کۆدەبنەوە

 

ئاڤا نیوز

شیگێرو ئیشیبا، سەرۆکوەزیرانی ژاپۆن بە دیپلۆماتکارە باڵاکانی چین و کۆریای باشووری ڕاگەیاندووە، پێویستە هەر سێ وڵاتەکە بەشداری دیپلۆماسی و گفتوگۆی پراگماتیکیان هەبێت، لەنێویاندا لەسەر  ئەو پرسانەی جێگەی نیگەرانین.

چیرۆکی سەرەکی: ڕۆژی شەممە لەسەر ئاستی باڵا تاکێشی ئیوایا، وەزیری دەرەوەی ژاپۆن بۆ جاری یازدەهەم لەگەڵ هاوتاکانی لە چین و کۆریای باشور لە شاری تۆکیۆ کۆدەبێتەوە.

لێدوانی فەرمی: سەرۆک وەزیرانی ژاپۆن ڕایگەیاند: هەرچەندە هەندێکجار بەهۆی ئەوەی وڵاتی دراوسێن کێشە لە نێوان ژاپۆن و چین و کۆریای باشوور سەرهەڵدەدات، بەڵام وڵاتەکەی هیوادارە لەسەر نیگەرانییەکانی نێوانیان گفتوگۆ بکرێت و لە ئایندەدا پەیوەندییەکانی هاوبەشیان هەبێت.

هەر سێ وڵاتەکە کاریگەری و بەرپرسیارێتی فراوانیان بۆ ئاشتی و خۆشگوزەرانی ناوچەکە و چارەسەکردنی ئاستەنگە هاوبەشەکان هەیە.

زانیاری زیاتر: بڕیارە ڕۆژی شەممە دیپلۆماتکارە باڵاکانی هەر سێ وڵاتەکە گفتوگۆ لەسەر هاوکاری ئابووری و بەرەنگاربوونەوەی کەمبوونەوەی ڕێژەی لەدایکبوون لە وڵاتەکانیان تاوتوێ بکەن.

باکگراوند: لە مانگی ئایاری ڕابردوودا هەر سێ وڵاتەکە ڕێککەوتن لەسەر زیادکردنی پەیوەندییە بازرگانییەکان و ئامانجی خۆیان بۆ نەبوونی چەکی ئەتۆم لە کۆریای باکوور دووپاتکردەوە.