ئەمریکا هێزی زیاتر دەنێرێتە دەریای سوور

 

ئاڤا نیوز

ئەمریکا هێزەکانی لە دەریای سوور بۆ ڕێگریکردن لە حووسییەکان و ئێران جێگیردەکات، لەکاتێکدا کەشتی فڕۆکەهەڵگری یو ئێس ئێس هاری ترومانی ئەمریکا لە دەریای سووردا جێگیرکراوە، ئەمریکا بڕیاریداوە کەشتی یو ئێس ئێس کارل ڤینسۆن'ـیش بهێنێتە ناوچەکە.

وێنە گەورەکە: لە ماوەی شەش مانگدا ئەمە دووەمجارە ئەمریکا دوو گروپی هێرشبەری کەشتییە فڕۆکە هەڵگرەکانی لەو ناوچەیەدا بهێڵێتەوە و بە گشتی تەنها یەکێکیان لە دەریای سووردا دەمایەوە.

لێدوانی فەرمی: پیت هێگسێت، وەزیری بەرگری ئەمریکا فەرمانیکردووە کەشتی فڕۆکەهەڵگری یو ئێس ئێس هاری ترومان بۆ ماوەی مانگێکی دیکە لە دەریای سووردا جێگیر ببێت، هاوکات فەرمانی داوە کەشتیی فڕۆکی هەڵگری یو ئێس ئێس کارل ڤینسۆن کە لە زەریای هێمندا دەمایەوە، بەرەو ڕۆژهەڵاتی ناوەڕاست و بەتایبەتی دەریای سوور بڕوات، بڕیارە سەرەتای مانگی داهاتوو کەشتییەکە بگاتە ناوچەکە.

زانیاریی زیاتر: جێگیرکردنی ئەو هەموو هێزەی ئەمریکا لە دەریای سوور بۆ ڕێگریکردنە لە دەستگەیشتنی ئێران بە حووسییەکان و هاوکارییەکانی بۆ ئەو چاکدارانەی نزیک لە وڵاتەکەی.