پەرلەمانی عێراق دەنگ لەسەر پڕۆژە یاسای بە پارێزگابوونی هەڵەبجە دەدات

ئاڤا نیوز

بڕیارە سبەی پەرلەمانی عێراق کۆببێتەوە و دەنگ لەسەر پرۆژە یاسای بەپارێزگابوونی هەڵەبجە و چەند پرۆژە یاسایەکی دیکە بدات.

ڕاگەیێنراوی فەرمی: بە گوێرەی ڕاگەیێنراوی نووسینگەی ڕاگەیاندنی پەرلەمانی عێراق، بڕیارە کاتژمێر 8ـی ئێوارەی ڕۆژی سێشەممە 25-3-2025 دانیشتنی پەرلەمانی عێراق بکرێت و ئەم بڕگانە لەخۆدەگرێت:

یەکەم: دەنگدان لەسەر پرۆژەیاسای بەپارێزگابوونی هەڵەبجە.

دووەم: دەنگدان لەسەر هەمواری یەکەمی پرۆژەیاسای هاوتامردنی بڕوانامە و پلەی زانستی عەرەبی و بیانی.

سێیەم: دەنگدان لەسەر هەمواری یەکەمی پرۆژەیاسای خوێندنی باڵای ناحکومی.

چوارەم: گفتوگۆکردن و خوێندەوەی دووەم بۆ یاسای پارێزگاری ژینگە.

پێنجەم: ڕاپۆرت و خوێندنەوەی دووەم بۆ هەمواری یاسای ئەنجوومەنی نوێنەران و دامەزراوەکانی.