میری ئێزدییەکان پیرۆزبایی جەژن لە موسڵمانان دەکات

ئاڤا نیوز

 

ئەمڕۆ، بەبۆنەی جەژنی ڕەمەزانی پیرۆزەوە میری ئێزدییەکان پیرۆزبایی جەژنی لە موسڵمانانی هەرێمی کوردستان، عێراق و سەرجەم موسڵمانان کرد.

 

وێنە گەورەکە: ئەمڕۆ یەکشەممە 30-3-2025، لە هەرێمی کوردستان یەکەم ڕۆژی جەژنی ڕەمەزانە، هاوکات ئەنجوومەنی باڵای فەتوای عێراق کە سوننەن ئەمڕۆیان بە جەژن دیاری کردووە، بەڵام دیوانی وەقفی سوننە وەکو شیعەکانی عێراق ڕۆژی دووشەممەیان وەک جەژن دیاری کردووە.

 

زانیاریی زیاتر: ئەو وڵاتانەی کە یەکشەممەیان کردووەتە جەژن، بریتین لە سعودییە، تورکیا، ئیمارات و قەتەر، هاوکات ئەو وڵاتانەشی کە ڕۆژی دووشەممەیان کردووەتە جەژن بریتین لە ئێران، میسر، ئەندەنووسیا، پاکستان، هیندستان، مالیزیا و عومان.

 

ڕاگەیێنراوی فەرمی: میر حازم تەحسین سەعید، میری ئێزدییەکانی عێراق و جیهان و سەرۆکی ئەنجوومەنی باڵای ئێزدییەکان لە بەیاننامەیەکدا ڕایگەیاند: هاتنی ئەم جەژنە پیرۆزە بۆنەیەکە بۆ باشترکردنی بەهاکانی ئاشتی و پێکەوەژیان و لێبوردەیی و خۆشەویستی لەنێو هەمووان، دەرفەتێکە بۆ بەهێزکردنی برایەتی و دروستکردنی پردی قبوڵکردنی ئەوانی دیکە و ڕێزگرتن لە هەمەجۆریی لە وڵاتدا.