لە ئەمڕۆوە شەپۆلی گەشتیاری ڕوو لە شارەکانی هەرێمی کوردستان دەکات

ئاڤا نیوز

 

بەهۆی جیاوازی لە دیاریکردنی ڕۆژی یەکەمی جەژن لە نێوان هەرێمی کوردستان و عێراق، چاوەڕوان دەکرێت لە ئەمڕۆوە شەپۆلی هاتنی گەشتیارێکی زۆر ڕوو ناوچە گەشتارییەکان بکەن.

 

وێنە گەورەکە: بەهۆی گونجاوی ژینگە و سروشتەکەی لە هەمان کاتدا زۆری ژمارەی شوێنی گەشتیاری، ساڵانە گەشتیارێکی زۆر ڕوو لە ناوچە گەشتیارەکانی هەر چوار پارێزگای هەرێمی کوردستان دەکەن.

 

لێدوانی فەرمی: سیروان تۆفیق، بەڕێوەبەری بە بازاڕکردن لە دەستەی گەشتوگوزار بە ئاڤا میدیای ڕاگەیاند، ئەم دوو ڕۆژەی ڕابردوو بەهۆی جیاوازی لە کاتی جەژن ژمارەی گەشتیاران کەم بوو، بەڵام ئەمڕۆ لە شارەکانی ناوەڕاست و خوارووی عێراق دووەم ڕۆژی جەژنە، ساڵانە بەردەوام ڕێژەی زۆری گەشتیار لە دووەم ڕۆژی جەژنەکان دێن.

 

سیروان تۆفیق دەڵێت: چاوەڕێ دەکرێت ئەمڕۆ شەپۆلێکی فراوانی گەشتیاری ڕوو لە شارەکان و ناوچە گەشتیارییەکان بکەن، تا ڕۆژی هەینی بەردەوامی دەبێت، لەبەرئەوەی سەرەتای هەفتەی داهاتوو لە پارێزگاکانی دیکەی عێراقیش دەوام دەستپێدەکاتەوە.

 

ئەوەی پێویستە بیزانیت: لە هەرێمی کوردستان ڕۆژی یەکشەممە وەک یەکەم ڕۆژی جەژن دیاریکرا و لە شارەکانی ناوەڕاست و خوارووی عێراق دووشەممە وەک یەکەم ڕۆژی جەژن دیاریکرا.