وەزارەتی دەرەوەی عێراق: دەبێت سنوورێک بۆ پێشێلکارییەکانی ئیسرائیل لە سووریا دابنرێت

ئاڤا نیوز

 

وەزارەتی دەرەوەی عێراق نیگەرانی قووڵی خۆی لە هێرشە ئاسمانییەکانی ئیسرائیل بۆ سەر چەند ناوچەیەکی سووریا دەردەبڕێت.

 

وێنە گەورەکە: شەوی ڕابردوو 2-4-2025، فڕۆکە جەنگییەکانی ئیسرائیل لە دوو هێرشی جیاوازدا دەورووبەری بینای توێژینەوەی زانستی کە دەکەوێتە گەڕەکی بەرزە لە ناوەڕاستی دیمەشقی پایتەخت و فڕۆکەخانەی سەربازیی حەمای کردە ئامانج، لەئاکامدا نۆ هاووڵاتیی کوژران.
 

ڕاگەیێنراوی فەرمی: لە بەیاننامەیەکدا وەزارەتی دەرەوەی عێراق ڕایگەیاند: هێرشەکانی ئیسرائیل بۆ سەر خاکی سووریا، کە بووەتە هۆی کوژران و برینداربوونی دەیان هاووڵاتیی سیڤیل، پێشێلکردنی ئاشکرای یاسا نێودەوڵەتییەکانە، هاوکات هەڕەشە لە سەروەری نیشتمانیی دەوڵەتان دەکات.

 

زانیاریی زیاتر: "هەڵوێستی عێراق ڕوونە و پشتگیری لە گەلی سووریا دەکات. پێویستە کۆمەڵگەی نێودەوڵەتی بەرپرسیارێتی هەڵگرێت و سنوورێک بۆ ئەم پێشێلکاریانە دابنێت". وەزارەتی دەرەوەی عێراق وادەڵێت.