عێراق گرێبەست لەگەڵ دوو کۆمپانیای تورکی و ئیتاڵی بۆ هەناردەکردنی نەوت واژۆ دەکات

ئاڤا نیوز

کۆمپانیای نەوتی بەسرە گرێبەستی لەگەڵ دوو کۆمپانیای ئیتاڵی و تورکی واژۆ کرد بۆ دانانی هێڵی بۆڕیی دەریایی، کە توانای لەخۆگرتنی 2 ملیۆن و 400 هەزار بەرمیل نەوتە لە ڕۆژێکدا.

چیرۆکی سەرەکی: ئەمڕۆ یەکشەممە، کۆمپانیای نەوتی بەسرە گرێبەستی جێبەجێکردنی سێیەم پڕۆژەی بۆری دەریایی بۆ هەناردەکردنی نەوت لەگەڵ کۆمپانیای میکۆپێریی ئیتاڵی و کۆمپانیای ئیستای تورکی  واژۆکرد، کە توانای لەخۆگرتنی 2 ملیۆن و 400 هەزار بەرمیل نەوتە لە ڕۆژێکدا.

ڕاگەیێنراوی فەرمی: وەزیری نەوتی عێراق ڕایگەیاند: درێژیی بۆڕییەکە 61 کیلۆمەتر لە نێو دەریا و نۆ کیلۆمەتریش لەسەر وشکانی دەبێت، ئەمە جگە لە دوو سەکۆی دەریایی، یەکێکیان لە بەندەری نەوتی بەسرە، دووەمیان لە بەندەری نەوتی ئومەیە.