سەرۆکوەزیران بارزانی و شاندێکی ئەمریکی جەخت لە هەناردەکردنەوەی نەوتی کوردستان دەکەنەوە

ئاڤا نیوز

 

ئەمڕۆ سێشەممە 15-4-2025، سەرۆکوەزیران مەسرور بارزانى، پێشوازی له‌ شاندێکی ئەمەریکی بە سەرۆکایەتيی ڤیکتۆریا تەیلەر، جێگری یاریدەدەری وەزیری دەرەوەی ئەمەریكا كرد.

 

ڕاگەیێنراوی فەرمی: حکومەتی هەرێمی کوردستان ڕایگەیاند: له‌ كۆبوونه‌وه‌کەدا پەرەپێدانی پەیوەندیی دوولایەنە و دۆخی گشتیی عێراق، ناوچەکە و هەوڵەکانی پێکهێنانی کابینەی نوێی حکومەتی هەرێمی کوردستان تاووتوێ کران.

 

ئەوەی پیویستە بیزانیت: هەردوولا جەختیان لە پێکهێنانی کابینەی نوێی حکومەتی هەرێمی کوردستان لە زووترین کات و بەر لە هەڵبژاردنی ئەمساڵی پەرلەمانی عێراق كرد.

 

لەلایەکی دیکەوە: هەردوولا هاوڕابوون لەسەر پێویستيی دەستپێکردنەوەی هەناردەکردنەوەی نەوتی هەرێمی کوردستان کە نابێت پرۆسەکە چیتر دوا بکەوێت، چونکە زیانێکی زۆری بە داهات و بودجەی گشتیی فیدراڵی گەیاندووە.

 

ئەمەش بزانە: لە بەشێکی دیکەی گفتوگۆکاندا، جەخت لە گرنگیی دابینکردنی ماف و شایستە داراییەکانی هەرێمی کوردستان و ڕێزگرتن لە قەوارەی فیدراڵی و دەستووریی هەرێمی کوردستان کرایەوە.