پاڵەوانێکی جیهانیی کورد پشتێنەکەی پێشکەش بە سەرۆکوەزیران بارزانی دەکات

ئاڤا نیوز

سەرۆکوەزیران مەسرور بارزانی پێشوازی لە  عەگید کابایل، پاڵەوانی بۆکسێنی جیهانیی کورد کرد و هەموو پشتیوانییەکی بۆ دەربڕی.

ڕاگەیێنراوی فەرمی: حکومەتی هەرێمی کوردستان بڵاویکردەوە، سەرۆکوەزیران مەسرور بارزانی، پیرۆزبایی و دەستخۆشی لەو بۆکسێنەرە جیهانییەی کورد کرد کە لەم دواییانەدا، پاڵەوانێتی جیهانیی بۆکسێنی بۆ کێشی قورسی ناسراو بە (WBC) لە ڕیازی پایتەختی عەرەبستانی سعوودی بردەوە.

- سەرۆکوەزیران هیوای سەرکەوتنی بۆ خواست و هەموو پشتیوانییەکی بۆ دەربڕی.

لەلایەکی دیکەوە: پاڵەوانی جیهان عەگید کابایل، خۆشحاڵی خۆی بە سەردانی سەرۆکوزیرانی هەرێمی کوردستان نیشاندا، سوپاسی پشتیوانیی سەرۆکوەزیرانی کرد و پشتێنەکەشی وەکو ڕێز و پێزانینێک پێشکەش کرد.