سوپای تورکیا لە چیای ئاسۆس جێگیر دەکرێت

ئاڤا نیوز

 

وەزیری بەرگریی تورکیا ئاشکرای دەکات "لە چوارچێوەی سنووردارکردنی بازنەی تیرۆر" تاوەکو باشووری چیای ئاسۆس لە سنووری پارێزگای سلێمانی سوپایان جێگیر کردووە.

ئەوەی پێویستە بیزانیت: سوپای تورکیا دەیەوێت شوێنی مانەوەی گەریلاکانی پەکەکە لە سنوورەکانی نێوان هەرێمی کوردستان و تورکیا بە یەکجاری کۆنترۆڵ بکات؛ ئێستا سەربازانی تورکیا لە "چیای ئاسۆس" جێگیر بوونە و لەوێوە شوێنی مانەوەی گەریلاکانی پەکەکە دەکەنە ئامانج.

 

لێدوانی فەمی: یەشار گولەر، وەزیری بەرگریی تورکیا پلانی ئەمنی ئۆپەراسیۆنی تورکیا لە دژی پەکەکە نزیکەی شەش ساڵە بەردەوامە و نابێت لەوە زیاتر درێژە بکێشێت، دەبێت کۆتایی پێبهێنرێت. 

 

زانیاریی زیاتر: "لە ئەنجامی ئۆپەراسیۆنە کاریگەرەکانی سوپای تورکیا، چیای قەندیل ئەو قەندیلەی ڕابردوو نەماوە، کە لە ژێر دەسەڵاتی گەریلاکانی پەکەکەدا بووە"، یەشار گولەر وادەڵێت.

 

باکگراوند: زیاتر لە 40 ساڵە شەڕی نێوان پەکەکە و تورکیا بەردەوامە؛ تورکیا بڕیاری داوە پێش هاوینی ئەمساڵ ئۆپەراسیۆنێکی سەربازیی گەورە لە دژی پەکەکە، لە هەرێمی کوردستان و  عێراق بکات.