بە ئامادەبوونی سەرۆكوەزیران مەسرور بارزانی پڕۆژەی پاڤیلیۆن بای ڕامس دەكرێتەوە

ئاڤا نیوز 

 

ئەمڕۆ لە ڕێوڕەسمێکدا لە شاری هەولێر لە ڕێوڕەسمێکدا کە تیایدا سەرۆکوەزیران مەسرور بارزانی، ئامادە دەبێت، پڕۆژەی پاڤیلیۆن بای ڕامس بە فەرمی دەکرێتەوە.

 

وێنە گەورەکە: ڕێوڕەسمەکە ئێوارەی ئەمڕۆ 17-4-2025، بەڕێوەدەچێت و جگە لە سەرۆکوەزیران، ژمارەیەک هونەرمەندی ناودار و خاوەنکار و کەسایەتیی ناسراو ئامادە دەبن.

 

زانیاریی بەدەستهاتوو: بەپێی زانیارییەکان لە ڕێوڕەسمەکەدا هەریەک لە هونەرمەندانی ناودار جوان حاجۆ و نانسی عەجرەم چەند بەرهەمێکی گۆرانی پێشکەش دەکەن هاوکات گرووپی دانس و نمایشی جیهانی و تورکی، ئانادۆڵو ئاتیشیش لەسەر ستەیجی ڕێوڕەسمەکە دەبن، هەروەها ئەکتەر ناوداری تورک بوراک ئۆزچیڤیت، ڕووخساری بڕاندی پاڤیلیۆن بای ڕامسیش لەگەڵ ئامادەبووان دەبێت.

ئەوەی پێویستە بیزانیت: پڕۆژەی پاڤیلیۆن بای ڕامس ڕووبەرەکەی ملیۆنێک و 800 هەزار مەتر دووجایە و خاوەنی دەریاچەیەکی دەستکردە بە ڕووبەری 300 هەزار مەتر دووجا کە ئاوەکەی لە زێی گەورەوە دێت، لەناو پڕۆژەکە جگە لە ڤێلای شاهانە، شوقە، مۆڵ، کتێبخانە، قوتابخانە و هۆڵی شانۆ و گەورەترین ناوەندی وەرزشیی ڕۆژهەڵاتی ناوەڕاست دروست دەکرێت، هەروەها ناوچەی سەوزاییش بە ڕووبەری 300 هەزار مەتر دووجا فەراهەم دەکرێت.