لویس ساکۆ بۆ سیاسییەکانی عێراق: بەسە گەندەڵیی

ئاڤا نیوز

 

پاتریارکی کلدانەکانی عێراق و جیهان داوا لە سیاسەتمەدارانی عێراق دەکات، دەست لە "گەندەڵیی" هەڵبگرن و کار بۆ بونیادنانی دەوڵەتێکی بەهێز و دیموکراسی بکەن.

 

ئەوەی پێویستە بیزانیت: مانگی ئازاری ئەمساڵیش پاتریارکی کلدانەکانی عێراق و جیهان، پێشنیازیکرد دیالۆگێکی نیشتمانی بە بەشداری سەرجەم لایەنە عێراقییەکان ئەنجام بدرێت، بە ئامانجی چارەسەرکردنی قەیرانە کەڵەکەبووەکان و بوونیادنانی دەوڵەتێکی بەهێز و سەقامگیر.

 

لێدوانی فەرمی: کاردیناڵ لویس ڕافایل ساکۆ، پاتریارکی کلدانەکانی عێراق و جیهان لە پەیامێکدا بۆ ڕۆژی جەژنی هەستاوە (قیامە) ئاماژەی بەوەشکرد، داوا لە مەسیحییەکان دەکات ئارام و خۆڕاگربن، چونکە ئومێدی هەیە کە خێر بۆیان دێت و شەڕ داهاتووی نییە.

 

بەشێکی دیکە لە پەیامەکەی کاردیناڵ لویس ڕافایل ساکۆ:

- عێراق لە مەترسییدایە و پێویستە سیاسییەکان کار بۆ دەوڵەتێکی بەهێز، دیموکراسی و هاووڵاتی بوون بکەن، بەجۆرێک خەڵک بە ڕێز و شکۆوە تیایدا بژی.

- بەسە گەندەڵی.!

- ئومێدەوارین ئەمریکا و ئێران بگەنە دەرئەنجامێک، بۆ ئەوەی ناوچەکە ڕووبەڕووی کارەساتی دیکە نەبێت.

-ئومێدم وایە کریستیانەکان چالاک و دەستپێشخەربن بۆ بونیادنانەوەی وڵات.