"ڕۆژی بەخشین"ـی کاکەییەکان لە گوندی هاوار لە هەڵەبجە بەڕێوەچوو

ئاڤا نیوز

 

بە بەشداریی پەیڕەوانی ئایینیی کاکەیی "یارسان" لە گوندی هاوار لە پارێزگای هەڵەبجە مەڕاسیمی "ڕۆژی بەخشین" بەڕێوەچوو و تیایدا بە ئەنجامدانی چەندین چالاکی جۆراوجۆر مەراسیمەکە بەرز ڕاگیرا.

 

وێنە گەورەکە: بۆ ماوەی شەش سەدەیە مەراسیمی ڕۆژی بەخشین بووە بە ناسنامەی کولتووری کاکەییەکان و نەریتەکەیان پاراستووە. لەم ڕۆژەدا گیانی پێکەوەییان زیاتر دەکەن، ئەمساڵ لە گوندی هاوار لە هەڵەبجە  بەیەکەوە کۆبوونەوە و جگە لە خواردن، مۆسیقای تەمبور بەشێکی گرنگی مەراسیمەکە بوو، گرووپێک لە کیژان و کوڕانی کاکەیی مۆسیقای سوننەتی و گۆرانی ڕەسەنی کوردەوارییان پێشکەش کرد.

 

لەلایەکی دیکە: جاران لە مەراسیمی بەخشیندا تەنها ماستیان دابەشکردووە، بەڵام ئێستا خواردنی جۆراوجۆری خۆماڵیی وەک یاپراخ و بریانی دەخرێتە سەر خوانەکان. مەبەستی سەرەکی ئەم نەریتە، پشتگیری خێزانە کەمدەرامەت و بەهێزکردنی پەیوەندی کۆمەڵایەتییەکانە.

 

زانیاریی زیاتر: جگە لە خواردن، مۆسیقای تەمبور بەشێکی گرنگی مەراسیمەکەیە. گرووپێک لە کیژان و کوڕانی کاکەیی مۆسیقای سوننەتی و گۆرانی ڕەسەنی کوردەواری پێشکەش دەکەن.