کەشتیوانێکی ئاسمانی بۆ یادی لەدایکبوونی دێتەوە بۆ سەر زەوی

ئاڤا نیوز

کەشتیوانێکی ئەمریکی، کە بەتەمەنترین کەشتیوانی ناسایە و لە پاش تێپەڕبوونی 19 مانگ لە بۆشایی ئاسمان، بۆ یادکردنەوەی ئاهەنگی لەدایکبوونی و 70 ساڵەی تەمەنی دەگەڕێتەوە بۆ سەر زەوی.

چیرۆکی سەرەکی: لە پاش مانەوەی زیاتر لە 590 ڕۆژ لە بۆشایی ئاسمان، دۆن پێتیت، کەشتیوانی ئەمریکی بڕیاری گەڕانەوە دەدات بۆ سەر زەوی و لە بەرەبەیانی ڕۆژی یەکشەممە کاتژمێر 6 دەگەنەوە خاکی کازاخستان، کەپسولی سۆیوز ناوی ئەو کەشتییەیە کەوا دۆن پیتیت و دوو هاوڕێی دیکەی کەشتیوانی هەڵگرتبوو بەدرێژایی مانەوەیان لەنێو خولگەکانی زەوی.

زانیاریی زیاتر: پێتیت و ڤاگنەر و ئۆڤچینین هەر سێ کەشتیوانەکە زیاد لە 3520 جار بە خولگەکانی دەوری زەویدا خولاونەتەوە ، ئەمە چوارەم گەشتی پێتیتی تەمەن 70 ساڵ بووە، لە ماوەی 29 ساڵی بەردەوامبوونی پیشەکەی وەکو کەشتیوان لە ناسا، هەر سێ کەشتیوانەکە ئەو ماوە زۆرەی لە بۆشایی ئاسماندا ماونەتەوە بۆ بەکارهێنانی پێوانەی تەکنەلۆجیای ئاوی دڵۆپێندراو و گەشەکردنی ڕووەکەکان بووە. 

ئەمەش بزانە: دۆن پیتیت، دووەم کەسە لە جیهاندا کە لە حەفتاکانی تەمەنیدا گەشتی بۆشایی ئاسمانی کردبێت، یەکەم کەس جۆن گلێنە، کە تەمەنی 77 ساڵ بوو، کاتێک لە ساڵی 1998ـدا  لە ئەرکێکی ناسادا گەشتی کرد بۆ بۆشایی ئاسمان لە ساڵی 2016ـشدا کۆچی دوایی کرد.