ئەحمەد تورک تووشی شێرپەنجەی سییەکان بووە

ئاڤا نیوز

دوای ئەوەی دوێنی هەواڵی ئەوە بڵاوبووەوە کە ئەحمەد تورک، پەرلەمانتاری دەم پارتی دۆخی تەندروستی تێکچووە و ڕەوانەی نەخۆشخانە کراوە، دوای پشکنین دەرکەوت، ئەحمەد تورک تووشی نەخۆشی شێرپەنجەی سییەکان بووە. 

 

چیرۆکی سەرەکی: ئەحمەد تورک، پەرلەمانتاری دەم پارتی لە تەمەنی 82 ساڵیدایە، دوای چەند پشکنینێک دەرکەوتووە گرێی شێرپەنجەیی لە سییەکانی هەیە،  ئێستا لە ئەنقەرە چارەسەری وەردەگرێت. 

 

 ئەوەی پێویستە بیزانیت: دوێنی دەم پارتی سەبارەت بە دۆخی تەندروستی ئەحمەد تورک، ڕوونکردنەوەی دا و ڕایگەیاند، تورک بۆ وەرگرتنی چارەسەری ڕۆتینی سەردانی نەخۆسخانەی کردووە، پیشووتریش ئەو چارەسەریانەی وەردەگرت، هیچ پێشهاتێکی نوێ و نەرێنی سەبارەت بەتەندروستی تورک لە ئاراد نییە.

 

باکگراوند: ئەحمەد تورک، تەمەنی 82 ساڵە، لە هەڵبژاردنەکانی 31ی ئاداری 2024دا وەک هاوسەرۆکی شارەوانی ماردین هەڵبژێردرا، بەڵام دواتر لە پۆستەکەی دوورخرایەوە و قەیووم لە شوێنی دانرا، چەند جارێکیش وەک ئەندامی شاندی ئیمرالی سەردانی عەبدوڵڵا ئۆجەلانی کرد.