شاندێکی ئەمریکا و مەسرور بارزانی: هەناردەکردنەوەی نەوتی کوردستان بە زووترین کات گرنگە

ئاڤا نیوز

 

سەرۆکوەزیران مەسرور بارزانی لەگەڵ شاندێکی وەزارەتی دەرەوەی ئەمریکا تاوتوێی پێکهێنانی کابینەی نوێ و دەستپێکردنەوەی هەناردەکردنی نەوتی هەرێمی کوردستانیان کرد.

 

وێنە گەورەکە: ئەمڕۆ چوارشەممە، ڕێککەوتی 23ـی 4ـی 2025،  لە هەولێر سەرۆکوەزیران مەسرور بارزانی پێشوازی لە شاندێکی ئەمەریکا کرد، بە سەرۆکایەتيی ڕایلی بارنس، بەرپرس لە نووسینگەی دیموکراسی و مافەکانی مرۆڤ و کار لە وەزارەتی دەرەوەی ئەمەریکا. هاوکات لە دیدارەکەدا، کە ستیڤ بیتنەر، کونسوڵی گشتیی ئەمەریکا لە هەرێمی کوردستان ئامادەی بوو، چەندین تەوەری گرنگ باسیان لێوەکرا.

 

زانیاریی زیاتر: لە کۆبوونەوەکەیاندا لەگەڵ سەرۆکوەزیران مەسرور بارزانی، شاندە ئەمریکییەکە خۆشحاڵی خۆیان پیشاندا بە بەشداریکردن لە ڕۆژی نزای نیشتمانی لە هەرێمی کوردستان.

بابەتی ستراتیژی: جەخت لە گرنگیی پێکهێنانی کابینەی نوێی حکومەتی هەرێمی کوردستان و هەناردەکردنەوەی نەوتی هەرێم لە زووترین کاتدا کرایەوە.

 

ئەوەی پێویستە بیزانیت: بەشێکی دیکەی دیدارەکە تاوتوێکردنی دۆخی بەیەکەوەژیانی ئاشتییانە و ئازادی ئایینی بوو لە هەرێمی کوردستان.