زیاتر لە 500 پارچە زەویی کارتی لە هەولێر تاپۆکانیان تەواو دەکرێت

ئاڤا نیوز

لە چوارچێوەی پرۆسەی تاپۆکردنی زەوییە کارتەکانی سنووری پارێزگای هەولێر، ژمارەیەکی دیکەی زەوییە  کارتەکان دەکرێنە تاپۆ کە ئێستا خانوویان لەسەر دروستکراوە.

وێنە گەورەکە: شارەوانی هەولێر بەردەوامە لە تاپۆکردنی زەوییە کارتەکان بە پێی ڕێنمایی وەزارەتی شارەوانی و گەشتوگوزار، زۆربەی زەوییەکان خانوویان لەسەر دروستکراوە و کەوتوونەتە سنووری سەرۆکایەتیی شارەوانیی ڕزگاری، ئێستا مامەڵەی تاپۆکردنی تەواو کراوە.

ڕاگەیێنراوی فەرمی: سەرۆکایەتیی شارەوانی هەولێر، ڕایگەیاند، پرۆسه‌ی تاپۆكردنی زه‌وییه‌ كارته‌كانی سنووری هه‌ولێر كه‌ له‌لایه‌ن یه‌كه‌ی گۆڕینی كارتی زه‌وی بۆ سه‌نه‌د له‌ وه‌زاره‌تی شاره‌وانی و گه‌شتوگوزار كاری له‌سه‌ر ده‌كرێت، 521 زه‌ویی كارت، تاپۆکراون و زۆربه‌یان خانوویان له‌سه‌ر دروستكراوه له‌ سنووری سه‌رۆكایه‌تیی شاره‌وانیی ڕزگار.

- زەوییەکان كه‌وتوونه‌ته‌ هه‌ردوو گه‌ڕه‌كی نه‌ورۆز و هه‌ڤاڵان له‌ سنووری سه‌رۆكایه‌تیی شاره‌وانیی ڕزگاری (تۆبزاوه‌)ـی سه‌ر به‌ به‌ڕێوه‌به‌رایه‌تیی گشتیی شاره‌وانییه‌كانی هه‌ولێر.

ئەوەی پێویستە بیزانیت: وێنه‌ی تۆماری تاپۆیان بۆ ده‌رچووه‌ و هاووڵاتییان ده‌توانن سه‌ردانی لایه‌نی په‌یوه‌ندیدار بكه‌ن بۆ وه‌رگرتنه‌وه‌ی تاپۆكانیان.