عێراق ستراتیژی پێنج ساڵەی ئاسایشی نیشتمانی پەسەند دەکات

ئاڤا نیوز

ئەنجوومەنی وەزاری بۆ ئاسایشی نیشتمانی ستراتیژی پێنج ساڵەی ئاسایشی نیشتمانی عێراقی پەسەند کرد و ئامادەکارییەکانی بۆ لوتکەی وڵاتانی عەرەبی خستەڕوو.

چیرۆکی سەرەکی: ڕۆژی 2025-04-23، محەممەد شیاع سوودانی، فەرماندەی گشتی هێزە چەکدارەکانی عێراق، سەرۆکایەتی کۆبوونەوەی ئاسایی ئەنجوومەنی وەزاری بۆ ئاسایشی نیشتمانی کرد، لەکۆبوونەوەکەدا بارودۆخی ئەمنی وڵات و کۆمەڵێک تەوەری دیکەی کارنامەی دانیشتنەکە تاوتوێ کران.

لێدوانی فەرمی: سەباح نوعمان، گوتەبێژی فەرماندەی گشتی هێزە چەکدارەکانی عێراق ڕایگەیاند: لەکۆبوونەوەکەی ئەنجوومەنی وەزاری بۆ ئاسایشی نیشتمانی ستراتیژی پێنج ساڵەی ئاسایشی نیشتمانی لە 2025 بۆ 2030 پەسەندکرا و بڕیاردرا ڕێکارەکانی پەیوەست بەجێبەجێکردنی سەرجەم برگەکانی بگیرێتەبەر.

زانیاریی زیاتر: لە کۆبوونەوەکەدا ئامادەکارییەکان بۆ سەرخستنی کارەکانی لوتکەی  وڵاتانی عەرەبی کە بڕیارە لە 2025-05-17، لە بەغدا بەڕێوەبچێت، خرانەڕوو.