پارتی سێ لیژنە لە ئەنجوومەنی پارێزگای نەینەوا وەردەگرێت

ئاڤا نیوز

 

لە چەند ڕۆژی داهاتوودا لیژنەکانی ئەنجوومەنی پارێزگای نەینەوا دیاری دەکرێن و بڕیارە پارتی سێ لیژنە وەربگرێت.

 

لێدوانی فەرمی: ئێریڤان مەهدى، ئەندامی ئەنجوومەنی پارێزگای نەینەوا بە ئاڤا نیوزی ڕاگەیاند، "بڕیارە لە چەند ڕۆژی داهاتوودا دانیشتنێکی دیکەی ئەنجوومەنی پارێزگای نەینەوا بەڕێوەبچێت و لیژنەکان دیاری بکرێن، هەوڵێکیش هەیە لیژنەکانی کە مافی پارتین کەم بکرێنەوە".

 

زانیاریی زیاتر: پارتی لەگەڵ لایەنە سیاسییەکانی دیکەی هاوپەیمانی، خاوەنی 13 کورسی ئەنجوومەنن، شەش لیژنە بە پشکی خۆیان دەزانن و دەیانەوێ دوو کورسی بە پارتی بدەن، ئێمە وەک پارتی ئەمەمان ڕەتکردووەتەوە.

ئێریڤان مەهدى وای گوت

 

لەلایەکی دیکەوە: ئەحمەد کیکانى، ئەندامی ئەنجوومەنی نەینەوا گوتی، چاوەڕوان دەکرێت هەفتەی داهاتوو کۆبوونەوەی ئەنجوومەنەکە بکرێت و 20 لیژنە دروست دەکرێن و "ئێمە سێ لیژنەمان بەردەکەوێت".

 

ئەوەی پێویستە بیزانیت: دوای دیاریکردنی لیژنەکانی ئەنجوومەنی پارێزگای نەینەوا بڕیارە پۆستە ئیدارییەکانی ئەو پارێزگایە یەکلا بکرێنەوە.