لە سنووری سلێمانی 22 کەسی بیانی دەستگیر دەکرێن

ئاڤا نیوز

 

فەرماندەیی هێزەکانی پاسەوانی سنوور ژمارەیەک هاووڵاتیی بیانی خەڵکی وڵاتانی ئاسیا لە سنووری پارێزگای سلێمانی دەستگیر دەکەن.

چیرۆکی سەرەکی: ژمارەیەک هاووڵاتی بیانی کە خەڵكی وڵاتانی ئاسیان و ھەوڵیان دابوو بە شێوەیەکی نایاسایی سنوورە ئیدارییەکانی پارێزگای سلێمانی ببەزێنن و بەرەو ناوچەکانی دیکەی عێراق بڕۆن لەلایەن هێزەکانی پاسەوانی سنوورە دەستگیر دەکرێن.

ڕاگەیێنراوی فەرمی: فەرماندەیی هێزەكانی سنوور ڕایگەیاند: لیوای سێی سنووری ناوچەی یەک، 22 هاووڵاتی بیانییان لەهەردوو ڕەگەزی نێر و مێ لەسنووری پاریزگای سلێمانی دەستگیر كرد، کە هەوڵی بەزاندنی سنووریان دابوو بە شێوەیەکی نایاسایی.

-  دەستگیرکراوەکان خەڵكی وڵاتانی ئاسیان و ھەوڵیان دابوو بە شێوەیەکی نایاسایی لە سنوورە ئیدارییەکانی پارێزگای سلێمانییەوە سنوور ببەزێنن و بگەنە ناوچەکانی دیکەی عێراق.

ئەمەش بزانە: ڕۆژی هەینی 2025-04-18، فەرماندەیی پۆلیس دیاله 20 کەسی بیانییان دەستگیرکرد، کە بە قاچاغ لە ڕێگەی سنووری پارێزگای دیالەوە هاتبوونە نێو خاکی عێراق.