پاکستان: هیندستان بەنیازە هێرشی سەربازی بکاتە سەر وڵاتەکەمان

ئاڤا نیوز

 

گرژی و ئاڵۆزییەکانی نێوان هیندستان و پاکستان تادێت زیاتر دەبێت و ئەگەری هێرشی سەربازیش لەلایەن هیندستانەوە لە ئارادیە.

 

چیرۆکی سەرەکی: هەفتەی ڕابردوو ڕۆژی گرووپێکی چەکداریی هێرشیان کردووەتە سەر هەرێمی کشمیر لە خاکی هیندستان، بەهۆی ئەمەوە لەماوەی هەفتەی ڕابردوودا چەندین جار ڕووبەڕووبوونەوەی سەربازی بە چەکی بچووک لە نێوان سوپای هەردوو وڵات ڕوویداوە، لێکەوتەی بەردەوام ئەم شەڕەش کاریگەری خراپی هەیە بەهۆی ئەوەی هەردوو وڵات خاوەنی چەکی ئەتۆمین.

 

لێدوانی فەرمی: وەزیری ڕاگەیاندنی پاکستان لە ئێکس ڕایگەیاند، پاکستان زانیارییەکی هەواڵگری باوەڕپێکراوی هەیە کە هیندستان بەنیازە لە ماوەی 24 بۆ 36 کاتژمێری داهاتوودا هێرشی سەربازی بکات ئاماژەی بەوەش کردووە، هەر کردەوەیەکی شەڕانگێزانە وەڵامێکی یەکلاکەرەوەی لەگەڵدا دەبێت.

 
لەلایەکی دیکەوە: دۆناڵد ترەمپ، سەرۆکی ئەمریکا پێشتر ڕایگەیاندبوو دەبێت هیندستان و پاکستان خۆیان لە شەڕ بەدوور بگرن، هیچ لایەنێکمان جەنگێکی دیکەمان لە جیهاندا ناوێت.

زانیاریی زیاتر: هەر بۆ ئەم پرسە، مارکۆ ڕوبیۆ، وەزیری دەرەوەی ئەمریکا داوای لە هاوتا هیندستان و پاکستانییەکانی دەکات پەرە بە دۆخەکە نەدەن.