بەتەمەنترین کەسی جیهان کۆچی دوایی کرد

ئاڤا نیوز

 

ئینا کانابارۆ لوکاس، بەڕەچەڵەک بەڕازیلی کە بەپێی کتێبی گینس، بەتەمەنترین کەسی زیندوو بووە لە جیهاندا و لە ساڵی 1908 لەدایکبووە، لە تەمەنی 116 ساڵی کۆچی دوایی کرد.

 

ئەوەی لەبارەیەوە دەگوترێت: بەگوێرەی داتابەیسی لۆنگڤیکوێست ئاشکرا کراوە، لە کاتی لەدایکبوونییەوە کانابارۆ منداڵێکی لاواز بووە، زۆرێک گومانیان هەبووە کە ئەگەری مانەوەی لەژیاندا کەمە، بەڵام چووە نێو لیستی بەتەمەنترین کەسی جیهان، کاتێک پرسیار لەبارەی نهێنی تەمەن درێژییەکەی کرا، هۆکارەکەی گەڕاندووەتەوە بۆ خودا و دەڵێت، ئەو یارمەتیی داوە ئەوەندە ساڵە تەمەن بکات. دەشڵێت، خودا نهێنی هەموو شتێکە.

 

زانیاریی زیاتر: بۆ یادی لەدایکبوونی 110 ساڵەی، کانابارۆ لەلایەن پاپا فرانسیس پاپای ڤاتیکانەوە[ کە ئەویش چەند ڕۆژێک لەمەوبەر کۆچی دوایی کرد] دیارییەکی وەرگرتبوو.

 

ئەمەش بزانە: دوای مردنی کانابارۆ ناسناوی بەتەمەنترین کەسی جیهان دەچێت بۆ ئیتێل کاتەرهامی، کە بە ڕەچەڵەک خەڵکی بەریتانیایە و تەمەنی 115 ساڵە.