پڕۆژەی کارەبای ڕووناکی فراوان دەکرێت و گۆڕانکاری لە نرخەکەیدا دەکرێت

ئاڤا نیوز

 

پڕۆژەی کارەبای ڕووناکی لە سەرتاسەری هەرێمی کوردستان کارەکانی فروان دەکات و هەفتەی داهاتووش نرخی بەکارهێنانی کارەباکە لەلایەن ئەنجوومەنی وەزیرانەوە دیاری دەکرێت. 

 

وێنە گەورەکە: پڕۆژەی ڕووناكی کە مەبەست لێی دابینکردنی کارەبای 24 کاتژمێرییە بۆ هاووڵاتیانی هەرێمی کوردستان، دەبێت تاوەکو ساڵی 2026 کارەبای تەواوی شار و ناوچەکان ببێتە 24 کاتژمێری، ئێستا پرۆژەکە گەیشتووەتە ناو جەرگەی شارەکانی هەولێر، سلێمانی و دهۆک، پرۆژەکە ڕۆژ دوای ڕۆژ فراوان دەبێت.

 

زانیاریی بەدەستهاتوو: بەگوێرەی ئەو زانیاریانەی کە دەست ئاڤا میدیا کەوتووە، نرخی کۆتایی بەکارهێنانی کارەبای 24 کاتژمێری لە کۆبوونەوەی ئەنجوومەنی وەزیران بڕیاری لەسەر دەدرێت.

 

بە پێنج شێواز نرخی کیلۆوات لە پڕۆژەی ڕووناکی دادەنرێت:-

- سفر بۆ 400 کیلۆوات بە نرخێکە، 400 بۆ 800 کیلۆوات زیاترە، 800 بۆ هەزار و 1200 گرانتر دەبێت، 1200 بۆ هەزار و 600 دیسان نرخەکەی زیاتر دەبێت، لە هەزار و 600 کلیۆواتیش جارێکی دیکە نرخەکەی گرانتر دەبێت. 

- بەم شێوازە بێت تاوەکو کارەبای زیاتر بەکاربهێنرێت نرخ زیاتر دەبێت. 

زانیاریی زیاتر: بەشێک لەو گەڕەکانەی لەماوەی ڕابردوودا کە پڕۆژەی ڕووناکیان پێگەیشتووە، قەرەبوو دەکرێنەوە و کارەبایان بە نرخە نوێیەکە بۆ هەژمار دەکریت. 

لێدوانی فەرمی: تیمی پڕۆژەی ڕووناکی بە ئاڤا میدیای ڕاگەیاند، ژمارەی ئەو هاوبەشانەی لە کارەبای 24 کاتژمێری سوودمەندبوون گەیشتووەتە 600 هەزار هاونیشتمانی و بەم زوانە دەگاتە تەواوی هەرێمی کوردستان، ئەمەش لەکاتێکدایە بەراورد بە سێ هەفتەی ڕابردوو، 185 هەزار هاونیشتمانی بۆ پڕۆژەی ڕووناکی زیادی کردووە.