پارتی و یەکێتی تاوتوێی بەشداریکردن لە هەڵبژاردنی پەرلەمانی عێراق دەکەن

ئاڤا نیوز

بۆ تاوتوێکردنی بەشداریکردن لە هەڵبژاردنی خولی شەشەمی پەرلەمانی عێراق، سبەی پارتی و یەکێتی کۆدەبنەوە دوو شاندی جیا تاوتوێی ئەو پرسە دەکەن.

چیرۆکی سەرەکی: بڕیارە سبەی یەکشەممە لە شاری هەولێر کۆبونەوەیەک لەنێوان مەکتەبی هەڵبژاردنی پارتی و دەزگای هەڵبژاردنی یەکێتی بەڕێوەبچێت و گفتوگۆ لەسەر شێوازی بەشداریکردنی هەڵبژاردنی پەرلەمانی عێراق دەکەن.

زانیاریی تایبەت: ئاڤا لە مەکتەبی هەڵبژاردنی پارتی زانیویەتی، د. جەعفەر ئیمینکی، بەرپرسی مەکتەبی هەڵبژاردنی پارتی سەرۆکایەتی شاندی پارتی و ڕزگار حاجی حەمە، لێپرسراوی دەزگای هەڵبژاردنی یەکێتی سەرۆکایەتی شاندی یەکێتی دەکات، کۆبوونەوەکان دوو شاند لەخۆدەگرن و تاوتوێی پرسی هەڵبژاردن دەکەن.

زانیاریی زیاتر: لە کۆبوونەوەکە بژاردەکانی بەردەمیان سەبارەت بە بەشداریکردن لە هەڵبژاردنی خولی شەشەمی پەرلەمانی عێراق دەخرێنەڕوو، بەتایبەت لە ناوچە کوردستانییەکانی دەرەوەی ئیدارەی هەرێمی کوردستان و بەشداریکردن بە یەک لیست، ئامانجیانە پێش کۆتایی هاتنی وادەی تۆمارکردنی حیزب و هاوپەیمانێتییەکان بڕیاری کۆتایی بدەن.