نۆ لایەنی سیاسی و 23 بەربژێری سەربەخۆ بەشداری هەڵبژاردن دەكەن

ئاڤا نیوز

دوو هاوپەیمانی و نۆ قەوارەی سیاسی و 23 بەربژێری سەربەخۆ، ناویان لە لقی  هەولێری كۆمسیۆنی باڵای سەربەخۆی هەڵبژاردنەكان تۆماركردووە بۆ بەشداریكردن لە خولی شەشەمی هەڵبژاردنی پەرلەمانی كوردستان.

لێدوانی فەرمی: فەرهاد شێتنەیی، بەرپرسی هۆبەی تۆماركردنی لیست و قەوارە سیاسییەكان لە لقی هەولێری كۆمیسیۆنی باڵای سەربەخۆی هەڵبژاردنەكانی عێراق بە ئاڤا نیوزی گوت: " بۆ بەشداریكردنیان لەخولی شەشەمی پەرلەمانی كوردستان، لە كۆمسیۆنی لقی هەولێری باڵای سەربەخۆی هەڵبژاردنەكانی عێراق، دوو هاوپەیمانی تۆماركراون ئەوانیش  هاوپەیمانێتی سەردەم كە پێكهاتووە لە سێ حزب، هاوپەیمانی دووەم هاوپەیمانی هەرێمی كوردستانە ئەویش لە سێ حزب پێكهاتووە  هەروەها  نۆ لایەنی سیاسی و 23 بەربژێری سەربەخۆ ناویان تۆماركردووە.

زانیاریی زیاتر: وادەی  تۆماركردنی حزب ولیست و هاوپەیمانێتییەكان درێژ ناكرێتەوە و دوا وادەش بۆ تۆماركردنی ناوی بەربژێرەكان  بە شێوەی ئەلیكترۆنی و كاغەزی  تاوەكو 22 ی ئادارە، لە 13 ی ئادارەوە لیستی بەربژێری حیزبەكانیان وەرگرتووە و تا 22 ی ئادار بەردەوام دەبێت. فەرهاد شێتنەیی وای گوت.

باكگراوند: بەپێی بڕیاری سەرۆكایەتی هەرێمی كوردستان، بڕیارە 10-6-2024 هەڵبژاردنی پەرلەمانی كوردستان بەڕێوەبچێت.